मोठा निर्णय !! २०१८ नंतर नियुक्त केलेल्या ६९ हजार शिक्षकांना नोकरीवरून काढण्यात येणार !

मोठा निर्णय घेण्यात आला , अलाहाबाद उच्च न्यायालयाच्या आदेशानुसार ; २०१८ नंतर शिक्षक भरती साठी पात्र असलेल्याला उमेदवारांची निवड करून नियुक्ती करण्यात आली होती . तर आता त्या  ६९ हजार शिक्षकांना नोकरीवरून  काढून टाकण्यात येणार आहे . या बद्दलची सविस्तर माहिती खाली दिलेली आहे. 

अलाहाबाद उच्च न्यायालयाच्या आदेशानुसार, उत्तर प्रदेशातील सुमारे ६९ हजार प्राथमिक सहाय्यक शिक्षकांची सेवा संपुष्टात आणली जाणार आहे. हे शिक्षक २०१८ नंतर शैक्षणिक पात्रता प्राप्त करून निवड प्रक्रियेत सहभागी झाले होते. आता न्यायालयाच्या स्पष्ट निर्देशानुसार, या शिक्षकांची नियुक्ती अवैध मानण्यात आली असून त्यांची सेवा रद्द केली जाणार आहे.

बेसिक एज्युकेशन कौन्सिलचे सचिव सुरेंद्र कुमार तिवारी यांनी सर्व जिल्हा शिक्षण अधिकाऱ्यांना (BSA) याबाबत सूचना जारी केल्या आहेत. त्यांनी स्पष्टपणे सांगितले आहे की, २०१८ नंतर अर्ज करणाऱ्या शिक्षकांची नियुक्ती तत्काळ रद्द करण्यात यावी.

अलाहाबाद उच्च न्यायालयाने आपल्या आदेशात स्पष्ट केले आहे की, २०१८ नंतर अर्ज करणाऱ्या उमेदवारांची निवड वैध मानता येणार नाही. त्या भरती प्रक्रियेत असे अनेक उमेदवार निवडले गेले, ज्यांनी अंतिम मुदतीनंतर अर्ज केला होता. न्यायालयाने या सर्व निवडी अमान्य ठरवून संबंधित शिक्षकांना सेवेतून हटवण्याचे आदेश दिले आहेत.

दोषी अधिकाऱ्यांवरही होणार कारवाई

या प्रकरणात केवळ शिक्षकांचीच सेवा समाप्त केली जाणार नसून, चुकीच्या पद्धतीने भरती प्रक्रिया पार पाडणाऱ्या अधिकारी व कर्मचाऱ्यांवरही कारवाई होणार आहे. सचिवांनी स्पष्ट निर्देश दिले आहेत की, या भरती प्रक्रियेत सहभागी असलेल्या निवड समितीतील सदस्यांची नावे, तसेच संबंधित काळातील BSA अधिकाऱ्यांची माहिती अहवाल स्वरूपात सादर करावी.

या भरती प्रक्रियेच्या पहिल्या आणि दुसऱ्या टप्प्यात अनुक्रमे ऑक्टोबर व डिसेंबर २०२० मध्ये एकूण ३१,२७७ शिक्षकांची नियुक्ती करण्यात आली होती. तिसऱ्या टप्प्यात आणखी ६,६९६ उमेदवारांची निवड झाली होती. त्यामुळे हे शिक्षक जवळपास ५ वर्षांपासून सेवा बजावत होते.

यापूर्वी सचिवांनी राज्यातील २९ जिल्ह्यांतील BSA अधिकाऱ्यांना या प्रकरणी पत्र पाठवले होते. मात्र आता सर्व जिल्ह्यांमध्ये एकत्रितपणे कारवाईचे आदेश देण्यात आले आहेत.

Post expires at ACTIONTIME on ACTIONDATE