Majhi Naukri | माझी नोकरी |Latest Government Jobs In Maharashtra Majhi Naukri 2026 Navin Jahirati
Related Articles
MPSC PSI Mains Exam Result Published : -महाराष्ट्र लोकसेवा आयोगाने (MPSC) ‘महाराष्ट्र अराजपत्रित गट ब सेवा मुख्य परीक्षा २०२३’ पोलीस उपनिरीक्षक (PSI) पदाच्या परीक्षेचा निकाल जाहीर केला आहे. या निकालाची तात्पुरती सर्वसाधारण गुणवत्ता यादी आयोगाच्या अधिकृत संकेतस्थळावर प्रकाशित करण्यात आली आहे. परीक्षेचा निकाल जाहीर होण्याची उमेदवारांसाठी मोठी अपेक्षा होती, आणि अखेर आयोगाने ही यादी प्रसिध्द केली.
या यादीत, अतिश शिवाजी मोरे याने ३१८ गुण मिळवून राज्यभरात प्रथम क्रमांक मिळवला आहे. त्याच्या मागोमाग, चेतन राठोड, भीमसिंग ब्रह्मनवत, वैभव सांगळे आणि बजरंग भस्के यांसारख्या विद्यार्थ्यांनी अनुक्रमे दुसरे ते पाचवे स्थान मिळवले आहेत. एकूण २१८ विद्यार्थ्यांची नावे या निकालात समाविष्ट केली आहेत. विशेष म्हणजे, राज्यात प्रथम आलेला अतिश मोरे हा आर्थिक दुर्बल घटक प्रवर्गातून येतो.
एमपीएससीने सांगितले की, पोलीस उपनिरीक्षक (PSI) संवर्गातील ३७४ पदांसाठी ५ नोव्हेंबर २०२३ रोजी परीक्षा घेतली होती. यासाठी झालेल्या स्पर्धेच्या निकालात उमेदवारांच्या अर्जातील विविध दाव्यांच्या आधारावर सर्वसाधारण गुणवत्ता यादी तयार करण्यात आली आहे. अंतिम निकालाच्या आधी, काही उमेदवारांच्या शिफारशींमध्ये बदल होऊ शकतात. तसेच, खेळाडू आणि अनाथ प्रवर्गातील उमेदवारांची प्रमाणपत्रे अधिकृत अधिकाऱ्यांकडून पडताळणी होईल, आणि तात्पुरत्या स्वरूपात त्यांचा प्रवर्गाचा दावा स्वीकारला जाईल.
आयोगाने म्हटले आहे की, या तात्पुरत्या गुणवत्ता यादीत समाविष्ट असलेल्या उमेदवारांच्या शिफारशी अंतिम पडताळणीसाठी ठेवलेल्या आहेत, आणि अंतिम निकालाच्या आधी काही बदल होऊ शकतात.
नवी मुंबई महापालिकेच्या वेबसाइटवर अधिक माहिती आणि संबंधित तपशील उपलब्ध आहेत.
Post expires at ACTIONTIME on ACTIONDATE
