नवीन बातमी !! लाडक्या बहिणीसाठी विशेष आर्थिक योजना सुरु।फायदा घ्या

राज्य सरकारने “मुख्यमंत्री माझी लाडकी बहीण ” योजनेतून आर्थिक मदत मिळवणाऱ्या महिलांसाठी एक महत्वपूर्ण पाऊल उचलले आहे .  महिलांच्या आर्थिक समीक्षाकारणासाठी त्यांचा मार्ग मोकळा करण्यासाठी सरकारने एक महिला नागरी सहकारी पतसंस्था स्थापन करायला आणि त्याची नोंदणी करण्यासाठी परवानगी दिलेली आहे. यामुळे महिलांना बचत , कर्ज सुविधा आणि स्वयंरोजगारासाठी मदत होईल.

महिला पतसंस्था काय ? त्याची नोंदणी कशी करायची ?

सहकार मंत्री बाबासाहेब पाटील यांनी सांगितले की, पात्र महिलांच्या सहभागातून स्थापन होणाऱ्या या संस्थांची नोंदणी ही ८ मार्च २०१९ च्या परिपत्रकानुसार केली जाणार आहे. यात शहर, नगरपालिका, गाव व तालुका कार्यक्षेत्रानुसार सभासदसंख्या आणि भांडवल रक्कमेचे निकष ठरवण्यात आले आहेत.

महानगरपालिका क्षेत्रात किमान २०००  सभासद व  ₹३० लाख भांडवल आवश्यक , तालुका  क्षेत्रात ५०० सभासद व ₹५  लाख भांडवल , गाव क्षेत्रात २५० सभासद व ₹ १ .५ लाख भांडवल  , तसेच नोंदणी करताना महिलांची अधिकृत यादी महिला व बालविकास विभागाकडून प्रमाणित करून घ्यावी लागणार आहे.

या योजनेसाठी KYC अटी लागू 

पतसंस्थेच्या नोंदणीसाठी प्रत्येक प्रवर्तकाने न्यायालयासमोर प्रतिज्ञापत्र सादर करणे बंधनकारक आहे.

१०० % KYC पूर्तता , कोणत्याही प्रकारचा सावकारी व्यवसाय नाही, सहकारी संस्थांमध्ये थकबाकीदार नाहीत, इतर सहकारी संस्थांचे संचालक नाहीत.  इत्यादी अटी लागू होणार , या अटी जर पूर्ण झाल्या नाहीत, तर संस्थेची नोंदणी थेट नाकारली जाईल. शिवाय, प्रत्येक नोंदणीकृत पतसंस्थेसाठी सहकार विभागामार्फत एक पालक अधिकारी नेमण्यात येणार आहे जो संस्थेला लेखा , कायदे , सभा व लेखापरीक्षणा संदर्भात मार्गदर्शन करेल.

सरकारच्या या निर्णयाचा महिलांना काय फायदा होणार?

सरकारच्या या निर्णयामुळे लाडकी बहीण योजनेतील महिलांना स्वतः चा पतसंस्था बिझनेस सुरु करता येणार आहे. त्यातून बचत व लघुवित्ताच्या माध्यमातून महिलांमध्ये स्वावलंबन , उद्योजकता आणि सामाजिक भक्कमपणा निर्माण होण्यास मदत होईल. कर्जसुविधा , गुंतवणूक आणि आर्थिक नियोजनाचे स्वातंत्र्य मिळेल.

तसेच, महायुती सरकारने ‘माझी लाडकी बहीण ‘ योजनेद्वारे ग्रामीण व शहरी भागातील महिलांपर्यंत आर्थिक मदत पोहोचवली. आता त्या महिलांना स्वतः ची पतसंस्था उभारण्याची संधी देऊन, राज्य सरकारने महिलांसाठी एक धोरणात्मक व दूरदृष्टीचा टप्पा पार केला आहे.

 

 

 

Post expires at ACTIONTIME on ACTIONDATE