Majhi Naukri | माझी नोकरी |Latest Government Jobs In Maharashtra Majhi Naukri 2026 Navin Jahirati
Related Articles
SPPU temple management course : गेल्या काही वर्षांपासून नाशिक उपकेंद्रात एमबीए एग्झिक्युटिव्ह हा अभ्यासक्रम सुरू करण्यात आला आहे, आणि आता विद्यापीठाने त्यात आणखी काही नवीन अभ्यासक्रम सुरू करण्याची घोषणा केली आहे. त्यानुसार, नाशिक उपकेंद्रात ‘टेम्पल मॅनेजमेंट’ (मंदिर व्यवस्थापन) हा नवीन सहा महिन्यांचा अभ्यासक्रम सुरू करण्यात आला आहे. या अभ्यासक्रमात तीन महिने प्रशिक्षण आणि तीन महिने ऑन-जॉब ट्रेनिंग दिले जाणार आहे.
सावित्रीबाई फुले पुणे विद्यापीठाने यंदापासून नाशिक उपकेंद्रात ‘फाउंडेशन ऑफ टेम्पल मॅनेजमेंट’ म्हणजेच मंदिर व्यवस्थापन या अभ्यासक्रमाची सुरूवात केली आहे. यासाठी ऑनलाइन अर्ज प्रक्रिया ७ एप्रिलपासून सुरू होईल. या अभ्यासक्रमासाठी ६० जागा उपलब्ध असून, अभ्यासक्रम १ जुलैपासून सुरू होणार आहे.
नाशिक शहराचे धार्मिक महत्त्व, येथील प्रसिद्ध मंदिरे आणि आगामी सिंहस्थ कुंभमेळ्याच्या पार्श्वभूमीवर हा अभ्यासक्रम सुरू करण्यात आल्याचे विद्यापीठाने स्पष्ट केले आहे. नाशिक आणि परिसरातील मंदिरांचे धार्मिक आणि पौराणिक महत्त्व, तसेच वर्षभर येणारे भाविक आणि वाढत असलेले धार्मिक पर्यटन लक्षात घेत हा अभ्यासक्रम तयार करण्यात आला आहे. विशेषत: २०२७मध्ये होणाऱ्या सिंहस्थ कुंभमेळ्याच्या पार्श्वभूमीवर, यावर्षी नाशिकमध्ये भाविकांची संख्या मोठ्या प्रमाणावर वाढणार आहे, त्यामुळे या अभ्यासक्रमाची आवश्यकता अधिक भासणार आहे.
७ एप्रिल ते ३१ मे दरम्यान या अभ्यासक्रमासाठी अर्ज सादर करता येतील. ५ जूनला गुणवत्ता यादी जाहीर केली जाईल आणि ३० जूनपर्यंत प्रवेश निश्चित करण्याची प्रक्रिया पूर्ण होईल. या अभ्यासक्रमाची शिकवणी १ जुलैपासून सुरू होईल.
Post expires at ACTIONTIME on ACTIONDATE
