Majhi Naukri | माझी नोकरी |Latest Government Jobs In Maharashtra Majhi Naukri 2025 Navin Jahirati
Related Articles
The retirement age of government employees is going to change : सरकारी कर्मचाऱ्यांसाठी एक महत्त्वाची बातमी समोर आली आहे. देशातील 1.15 कोटी सरकारी कर्मचाऱ्यांना काही दिवसांपूर्वी मोठा दिलासा मिळाला आहे. आठव्या वेतन आयोगाच्या स्थापनेला केंद्र सरकारने मंजुरी दिली आहे. जानेवारी 2025 मध्ये केंद्र सरकारने हा निर्णय घेतला, ज्यामुळे कर्मचाऱ्यांच्या अनेक महिन्यांपासून प्रलंबित असलेल्या मागण्या पूर्ण झाल्या आहेत. याच दरम्यान, सरकारी कर्मचाऱ्यांच्या सेवानिवृत्तीच्या वयात बदल करण्याची मागणी देखील केली गेली होती.
आता, सरकारी कर्मचाऱ्यांच्या सेवानिवृत्तीच्या वयावर एक महत्त्वपूर्ण अपडेट समोर आली आहे. केंद्रीय राज्यमंत्री जितेंद्र सिंह यांनी बुधवारी याबाबत माहिती दिली. लोकसभेत सेवानिवृत्तीच्या वयात बदल होणार का, या प्रश्नावर चर्चा केली गेली होती.
यावर उत्तर देताना जितेंद्र सिंह यांनी स्पष्ट केले की, सरकार सध्या कर्मचाऱ्यांचे सेवानिवृत्तीचे वय बदलण्यावर विचार करत नाही. त्याचबरोबर, सरकारच्या धोरणानुसार, कर्मचाऱ्यांच्या सेवानिवृत्तीमुळे होणाऱ्या रिक्त जागांबाबत काही ठोस उपाययोजना नाहीत. सिंग यांनी लिहिती उत्तरात म्हटले की, सरकारी कर्मचाऱ्यांचे सेवानिवृत्तीचे वय बदलण्याचा कोणताही प्रस्ताव सरकारकडे नाही.
त्यामुळे, सेवानिवृत्तीच्या वयात बदल होण्याच्या ज्या चर्चांना चालना मिळाली होती, त्या चर्चांना आता पूर्णविराम लागण्याची शक्यता आहे. सरकारकडून सेवानिवृत्तीच्या वयात बदल करण्यासाठी कोणत्याही कर्मचारी संघटनेने प्रस्ताव दिला आहे का, या प्रश्नावरही सिंग यांनी उत्तर दिले.
त्यानुसार, जितेंद्र सिंह यांनी सांगितले की, राष्ट्रीय परिषद (संयुक्त सल्लागार यंत्रणा) कडून सेवानिवृत्तीच्या वयाबाबत कोणताही औपचारिक प्रस्ताव प्राप्त झालेला नाही. सेवानिवृत्तीच्या वयातील असमानता आणि केंद्र सरकारच्या कर्मचाऱ्यांच्या सेवानिवृत्तीच्या वयाबाबत उत्तर देताना, मंत्री सिंग म्हणाले की, हा विषय राज्यांच्या अधिकारातील आहे आणि केंद्र सरकारकडे तो आलेला नाही.
यावरून असे स्पष्ट होते की, सध्या सरकारच्या योजनेत सरकारी कर्मचाऱ्यांचे सेवानिवृत्तीचे वय बदलण्याचा कोणताही विचार नाही. सध्या केंद्रीय सरकारी कर्मचाऱ्यांचे सेवानिवृत्तीचे वय 60 वर्ष आहे. तसेच, केंद्रीय कर्मचाऱ्यांच्या धर्तीवर देशातील 25 राज्यांमधील सरकारी कर्मचाऱ्यांचे सेवानिवृत्तीचे वय 60 वर्ष करण्यात आले आहे. मात्र महाराष्ट्रातील काही राज्य कर्मचाऱ्यांचे सेवानिवृत्तीचे वय 58 वर्षे आहे.
Post expires at ACTIONTIME on ACTIONDATE
