भारताने रचला नवा विक्रम, दीड वर्षात दिल्या १० लाख सरकारी नोकऱ्या !

भारताने रचला नवा विक्रम, दीड वर्षात दिल्या १० लाख सरकारी नोकऱ्या !

Govt Jobs in India : पंतप्रधान मोदींचा मोठा दावा: ‘दीड वर्षात १० लाख सरकारी नोकऱ्या दिल्या, महिलांसाठी अनेक महत्त्वाचे निर्णय’ पंतप्रधान नरेंद्र मोदी यांनी सोमवारी एक मोठा दावा केला, ज्यामध्ये त्यांनी सांगितले की, “गेल्या एक-दीड वर्षात आपल्या सरकारने १० लाख युवकांना कायमस्वरूपी सरकारी नोकऱ्या दिल्या आहेत. हा एक विक्रम आहे.” मोदी यांनी दूरदृश्य प्रणालीद्वारे एक रोजगार मेळाव्याला संबोधित करताना याबद्दल माहिती दिली. या मेळाव्यात ७१ हजार लोकांना नियुक्तीपत्रे देण्यात आली. मोदींनी असे सांगितले की, “यापूर्वी कोणत्याही सरकारच्या कार्यकाळात अशा प्रकारे ‘मिशन मोड’ मध्ये नोकऱ्या दिल्या गेल्या नाहीत. प्रामाणिकपणा आणि पारदर्शकतेमुळे भरती प्रक्रियेला चालना मिळाली आहे.”

मोदींनी महिलांच्या स्वावलंबनावर देखील जोर दिला. “नोकरभरतीत महिलांची संख्या लक्षणीय आहे. महिलांना २६ आठवड्यांची प्रसूती रजा देण्याच्या सरकारच्या निर्णयामुळे त्यांच्या कारकिर्दीला खूप मदत झाली आहे. ‘पंतप्रधान आवास योजने’अंतर्गत बांधलेली अनेक घरे महिलांची आहेत. देशात महिलांच्या नेतृत्वाखाली विकास होतोय,” असे ते म्हणाले.

पंतप्रधानांनी देशातील युवा वर्गावरही प्रकाश टाकला. “आमच्या सरकारची धोरणे आणि कार्यक्रम युवकांच्या केंद्रस्थानी आहेत. सरकारचा प्राधान्य तरुणांच्या क्षमता आणि कौशल्यांचा वापर करणे आहे, मग ते स्टार्टअप असो, डिजिटल इंडिया असो किंवा अंतराळ आणि संरक्षण क्षेत्रातील सुधारणा असो. रोजगार मेळावे तरुणांना सक्षम बनवत आहेत आणि त्यांच्या क्षमतेला वाव देत आहेत,” असे मोदी म्हणाले.

आणखी एक महत्त्वाची घोषणा करत, मोदींनी राष्ट्रीय शिक्षण धोरणावरही भाष्य केले. “या धोरणाने तरुणांच्या विकासासाठी पावले उचलली आहेत. १३ भारतीय भाषांमध्ये भरती परीक्षा घेता येईल, ज्यामुळे भाषेचा अडथळा नाहीसा होईल,” असे ते म्हणाले.

केंद्रीय मंत्री जितेंद्र सिंह यांनी सांगितले की, या भरती मेळाव्यात ज्या ७१ हजार जणांना नियुक्तीपत्रे देण्यात आली, त्यात २८ टक्क्यांहून अधिक उमेदवार हे इतर मागासवर्गीय आहेत.

Post expires at ACTIONTIME on ACTIONDATE