Majhi Naukri | माझी नोकरी |Latest Government Jobs In Maharashtra Majhi Naukri 2026 Navin Jahirati
Related Articles
The MPSC State Services Examination, originally scheduled for October 3, 2026, has now been postponed. Here are the full details: In a significant decision, the Maharashtra Public Service Commission (MPSC) has postponed the State Services Main Examination 2026, the Maharashtra Civil Engineering Main Examination 2026, and the Maharashtra Group-B (Non-Gazetted) Main Examination 2026, all of which were set to commence on October 3, 2026.
MPSC राज्यसेवा परीक्षा जी ३ ऑक्टोबर २०२६ होणार होती ती आता पुढे ढकलण्यात आलेली आहे. या विषयी संपूर्ण माहिती जाणून घ्या. महाराष्ट्र लोकसेवा आयोगाने (एमपीएससी) एक महत्त्वपूर्ण निर्णय घेत ३ ऑक्टोबर २०२६ पासून सुरू होणाऱ्या राज्य सेवा मुख्य परीक्षा २०२६, महाराष्ट्र स्थापत्य अभियांत्रिकी मुख्य परीक्षा २०२६ आणि महाराष्ट्र गट-ब (अराजपत्रित) मुख्य परीक्षा २०२६ या स्पर्धा परीक्षा पुढे ढकलल्या आहेत.
महाराष्ट्रातील नोकरी अपडेट्ससाठी या लिंक वरून माझीनोकरी अँप लगेच डाउनलोड करा.
महाराष्ट्र लोकसेवा आयोगाने (एमपीएससी) एक महत्त्वपूर्ण निर्णय घेत ३ ऑक्टोबर २०२६ पासून सुरू होणाऱ्या राज्य सेवा मुख्य परीक्षा २०२६, महाराष्ट्र स्थापत्य अभियांत्रिकी मुख्य परीक्षा २०२६ आणि महाराष्ट्र गट-ब (अराजपत्रित) मुख्य परीक्षा २०२६ या स्पर्धा परीक्षा पुढे ढकलल्या आहेत. आयोगाने प्रसिद्धीपत्रक जारी करून याबाबत अधिकृत माहिती दिली. या परीक्षांच्या सुधारित दिनांकाबाबत स्वतंत्रपणे कळविण्यात येईल, असे आयोगाने स्पष्ट केले आहे. संबंधित उमेदवारांनी याची नोंद घ्यावी, असे आवाहनही करण्यात आले.
या निर्णयामागे मुख्य कारण म्हणजे राज्य सेवा मुख्य परीक्षा २०२५ मधील मुल्यांकनाबाबत अनेक विद्यार्थी आणि विद्यार्थी संघटनांनी नोंदविलेले आक्षेप. या आक्षेपांचा विचार करून आयोगाने उत्तरपत्रिकांचे पुनर्मूल्यांकन करण्याचा निर्णय घेतला आहे. त्यामुळे सदर परीक्षेची प्रक्रिया लांबण्याची शक्यता असल्याचे आयोगाने नमूद केले. या पार्श्वभूमीवर आगामी परीक्षा वेळेवर घेणे व्यावहारिक ठरणार नव्हते.
दुसरीकडे, राज्यातील सर्व परीक्षा पद्धतींचा आढावा घेण्यासाठी राज्य शासनाने गठित केलेल्या उच्चस्तरीय समितीने परीक्षार्थी आणि संबंधितांशी चर्चा करून आदर्श परीक्षा पद्धतीबाबत शिफारशी लवकरच सादर करण्याची अपेक्षा आहे. या शिफारशींच्या पार्श्वभूमीवर विद्यार्थी, पालक, संघटना तसेच काही लोकप्रतिनिधींनी ३ ऑक्टोबरपासून सुरू होणारी परीक्षा पुढे ढकलण्याची निवेदने आयोगाला दिली होती. या सर्व बाबींचा साकल्याने विचार करून आयोगाने हा निर्णय घेतला.
परीक्षांच्या नवीन तारखा अद्याप जाहीर झालेल्या नाहीत. या निर्णयाचे स्वागत करताना उद्धवसेनेचे नेते आदित्य ठाकरे यांनी एक्सवर प्रतिक्रिया देताना म्हटले की, युवकांची मागणी मान्य करून परीक्षा पुढे ढकलल्याबद्दल राज्यपालांचे आभार. आता याच धर्तीवर राज्य सेवा आयोगाच्या प्रमुखांचा राजीनामाही तत्काळ घेतला जाईल, अशी आशा त्यांनी व्यक्त केली. उमेदवारांनी अधिकृत घोषणेची वाट पहावी.
Post expires at ACTIONTIME on ACTIONDATE
