Majhi Naukri | माझी नोकरी |Latest Government Jobs In Maharashtra Majhi Naukri 2026 Navin Jahirati
Related Articles
Extension of Temporary Service for Police, Delay in Recruitment? : राज्यातील पोलिस भरतीला आता विलंब होणार असल्याचे स्पष्ट झाले आहे. गृह विभागाने बृहन्मुंबई पोलीस आयुक्तालयात कार्यरत असलेल्या ३,००० पोलिसांना हंगामी सेवेसाठी मुदतवाढ देण्यास मान्यता दिली आहे. यामुळे, पोलिस भरती काही महिने लांबणीवर पडण्याची शक्यता आहे.
राज्यातील १३ कोटी लोकांची सुरक्षा सुनिश्चित करण्यासाठी पोलीस २४ तास आपली जबाबदारी पार पाडत आहेत. मात्र, मुंबई पोलिसांत हजारो पदे रिक्त असून, कायमस्वरूपी पदे भरण्याची प्रक्रिया मंद गतीने सुरू आहे. गृह विभागाने सध्या कार्यरत असलेल्या ३,००० पोलिसांना हंगामी सेवेसाठी मुदतवाढ देण्यास मंजुरी दिली आहे, आणि याबाबत शासन आदेश जारी केला आहे.
राज्याची लोकसंख्या १३ कोटींवर पोहोचली आहे, परंतु राज्याच्या गृहविभागात २,१९,८२२ पोलिसांची पदे मंजूर आहेत. त्यापैकी १,९८,८०७ पदे भरली आहेत, तरीही २१,१०८ पदे रिक्त आहेत. बृहन्मुंबई पोलीस आयुक्तालयाच्या आस्थापनेवर पोलिस शिपाई ते सहाय्यक पोलीस उपनिरीक्षक यासाठी ४०,६२३ पदे मंजूर आहेत. त्यामध्ये पोलिस शिपाई संवर्गाची सुमारे १०,००० पदे रिक्त आहेत. मुंबई पोलीस आयुक्तालयातील उपलब्ध मनुष्यबळ दैनंदिन कार्यांसाठी अपर्याप्त ठरत आहे.
शासन निर्णयानुसार, २१ जानेवारी २०२१ रोजी बृहन्मुंबई पोलीस आयुक्तालयासाठी ७,०७६ पोलिस शिपाई संवर्गातील आणि पोलिस चालक संवर्गातील ९९४ पदे भरण्याची मंजुरी दिली होती. तथापि, भरणी प्रक्रियेचा वेग कमी असल्याने, सुमारे ३,००० पदे रिक्त आहेत. यामुळे, महाराष्ट्र राज्य सुरक्षा महामंडळाने ३,००० पोलिसांना ११ महिन्यांची मुदतवाढ दिली आहे.
Post expires at ACTIONTIME on ACTIONDATE
