Majhi Naukri | माझी नोकरी |Latest Government Jobs In Maharashtra Majhi Naukri 2026 Navin Jahirati
Related Articles
Houses will be made available by MHADA to ‘these’ state government employees in Maharashtra : महाराष्ट्रातील राज्य कर्मचाऱ्यांसाठी सरकारने नवीन निर्णय घेतला आहे . कर्मचाऱ्यांना म्हाडा मार्फत २२००० घरे मिळण्याची संधी उपलब्ध करून देण्यात आली आहे . आता राज्य सरकार कर्मचाऱ्यांना स्वतः चे घर मिळणार .
महाराष्ट्रातील राज्य कर्मचाऱ्यांसाठी एक अत्यंत दिलासादायक निर्णय नुकताच घेण्यात आला आहे. 27 एप्रिल 2025 रोजी झालेल्या बैठकीत, फडणवीस सरकारने राज्यातील शेती महामंडळांतर्गत कार्यरत कर्मचाऱ्यांसाठी म्हाडाच्या माध्यमातून घरे उपलब्ध करून देण्याचा महत्त्वपूर्ण निर्णय घेतला आहे.
या निर्णयामुळे राज्यभरातील सुमारे 22,000 कर्मचाऱ्यांना त्यांच्या हक्काचे घर मिळण्याचा मार्ग मोकळा झाला आहे. ही घरे म्हाडाकडून बांधण्यात येणार असून लॉटरीच्या आधारे पात्र कर्मचाऱ्यांना वाटप केली जाणार आहेत. महसूल मंत्री चंद्रशेखर बावनकुळे यांच्या पुढाकारातून हा निर्णय अंतिम करण्यात आला आहे.
या संदर्भात शेती महामंडळाच्या संचालक मंडळाची 327 वी महत्त्वपूर्ण बैठक 27 एप्रिल रोजी पार पडली. याच बैठकीत हा निर्णय एकमताने घेण्यात आला. राज्य शासनाच्या या पावलामुळे हजारो कुटुंबांना स्थायिक होण्याचा आणि आपले घर मिळवण्याचा मोठा दिलासा मिळणार आहे.
कर्मचारी संघटनांनीही या निर्णयाचे स्वागत केले असून शासनाचे आभार मानले आहेत. म्हाडाच्या माध्यमातून मिळणारी ही घरे रहिवासासाठी योग्य व दर्जेदार असतील, अशी माहितीही अधिकाऱ्यांकडून देण्यात आली आहे.
हा निर्णय घेताना शासनाने कर्मचाऱ्यांच्या दीर्घकाळच्या गरजांचा विचार केला असून, त्यांचे आर्थिक व कौटुंबिक स्थैर्य लक्षात घेऊन हा निर्णय अतिशय सकारात्मक पाऊल ठरणार आहे, असं मानलं जात आहे.
Post expires at ACTIONTIME on ACTIONDATE
