Majhi Naukri | माझी नोकरी |Latest Government Jobs In Maharashtra Majhi Naukri 2026 Navin Jahirati
Related Articles
In Goa, recruitment for 5,000 vacant positions will take place in the next two years : जर तुम्हाला सरकारी खात्यात नोकरी करण्याची इच्छा असेल, तर गोव्यात एक चांगली संधी आहे. गोव्यातील मुख्यमंत्री डॉ. प्रमोद सावंत यांनी साखळीतील भाजप कार्यकर्ता मेळाव्यात घोषणा केली की, येत्या दोन वर्षांत 5,000 सरकारी नोकऱ्या दिल्या जातील. विधानसभेत दिलेल्या लेखी उत्तरांनुसार, सध्या गोवा सरकारच्या एकूण 83 खात्यांमध्ये 6,065 पदे रिक्त आहेत.
रिक्त पदांची सूची: गोवा सरकारच्या विविध खात्यांमध्ये अनेक पदे रिक्त आहेत. त्यामध्ये नर्स, एलडीसी, शिपाई, पोलीस शिपाई, चालक, एमटीएस, शिक्षक अशा विविध पदांचा समावेश आहे.
पोलीस खाते:
पोलीस खात्यात सुमारे 1,000 पदे रिक्त आहेत. या पदांमध्ये पोलीस अधीक्षक, उपनिरीक्षक, शिपाई अशा विविध उच्च व निम्न पदांचा समावेश आहे. तसेच, पोलीस शिपाईच्या पदांसाठी 65 जागा रिकाम्या आहेत. तथापि, या पदांवरील भरती प्रक्रिया अद्याप स्पष्ट झाली नाही आणि त्यासाठी भरतीची प्रक्रिया सुरू झालेली नाही.
आरोग्य खाते:
गोवा आरोग्य विभाग, गोवा वैद्यकीय महाविद्यालय, दंत महाविद्यालय आणि मानसिक चिकित्सा विभागामध्ये मोठ्या प्रमाणावर रिक्त पदे आहेत. एकूण 800 पदे रिक्त असून, त्यात नर्ससाठी 169 जागा रिकाम्या आहेत. याशिवाय वॉर्ड सिस्टर, एलडीसी, यूडीसी, प्रयोगशाळा तंत्रज्ञ यासाठीही भरती प्रक्रिया लवकरच सुरू होईल.
शिक्षण खाते:
गोव्यात शिक्षण खात्यात सुमारे 750 पेक्षा जास्त रिक्त पदे आहेत. साहाय्यक शिक्षक, एडीईआय, मुख्याध्यापक, एलडीसी आणि प्राथमिक शाळांतील शिक्षक अशा विविध पदांसाठी जागा रिकाम्या आहेत.
इतर विभाग:
सार्वजनिक बांधकाम, जलस्रोत आणि वीज विभागांमध्ये देखील अभियंत्यांच्या रिक्त पदांवर भरती प्रक्रिया सुरू होईल.
या सर्व विभागांमध्ये भरती प्रक्रियेसाठी उमेदवारांनी तयारी सुरू केली असल्यास, त्यांच्या सरकारी नोकरीच्या स्वप्नाला यश मिळू शकते.
Post expires at ACTIONTIME on ACTIONDATE
