Majhi Naukri | माझी नोकरी |Latest Government Jobs In Maharashtra Majhi Naukri 2026 Navin Jahirati
Related Articles
तुमच्या संशोधन कारकिर्दीला नवी उंची देऊ इच्छिता? नॅशनल पोस्टडॉक्टरल फेलोशिप तरुण संशोधकांना अत्याधुनिक वैज्ञानिक कार्याचे नेतृत्व करण्यासाठी उत्कृष्ट निधी, मार्गदर्शन आणि स्वातंत्र्य प्रदान करते. ही एएनआरएफ फेलोशिप, प्रभाव पाडण्यास तयार असलेल्या पीएचडी धारकांसाठी एक करिअर-परिभाषित करणारी पोस्टडॉक्टरल फेलोशिप आहे.
महाराष्ट्रातील नोकरी अपडेट्ससाठी या लिंक वरून माझीनोकरी अँप लगेच डाउनलोड करा.
ANRF अंतर्गत राबवली जाणारी National Post Doctoral Fellowship (N-PDF) ही योजना विज्ञान व अभियांत्रिकी क्षेत्रातील अग्रगण्य संशोधनासाठी प्रेरित तरुण संशोधकांना ओळखून त्यांना संशोधनासाठी आर्थिक व शैक्षणिक पाठबळ देण्याच्या उद्देशाने सुरू करण्यात आली आहे.
या फेलोशिपअंतर्गत निवडलेले संशोधक अनुभवी मेंटॉरच्या मार्गदर्शनाखाली संशोधन करतील आणि भविष्यात स्वतंत्र संशोधक म्हणून विकसित होण्यासाठी आवश्यक अनुभव व व्यासपीठ मिळवतील. ही फेलोशिप फक्त भारतातच लागू असून मान्यताप्राप्त विद्यापीठे, राष्ट्रीय प्रयोगशाळा व संशोधन संस्थांमध्ये राबवता येते.
फेलोशिपचा कालावधी २ वर्षांचा असून ती पूर्णपणे तात्पुरत्या स्वरूपाची आहे. निवड झाल्यानंतर उमेदवारांनी ३ महिन्यांच्या आत संस्थेत रुजू होणे बंधनकारक आहे. संस्थेचा किंवा मेंटॉरचा बदल निवडीनंतर मान्य केला जाणार नाही. संशोधन अनुदानाचा वापर लहान उपकरणे, उपभोग्य साहित्य, आकस्मिक खर्च व देशांतर्गत प्रवासासाठी करता येईल; मात्र अतिरिक्त संशोधन कर्मचारी देण्याची तरतूद नाही.
या फेलोशिपसाठी अर्ज करणारा उमेदवार भारतीय नागरिक असावा, त्याच्याकडे मान्यताप्राप्त
विद्यापीठातून Ph.D./M.D./M.S. पदवी असावी (थीसिस सादर केलेले पण पदवी न मिळालेले उमेदवारही पात्र; मात्र त्यांना कमी फेलोशिप मिळेल) आणि किमान २ संशोधन लेख प्रकाशित असणे आवश्यक आहे.
वयोमर्यादा ३५ वर्षे असून SC/ST/OBC, दिव्यांग व महिला उमेदवारांना ५ वर्षांची सवलत आहे. Ph.D. व्हायव्हानंतर ५ वर्षांच्या आतच N-PDF साठी अर्ज करता येतो आणि ही फेलोशिप आयुष्यात फक्त एकदाच मिळू शकते. मेंटॉर हा भारतातील मान्यताप्राप्त संस्थेत नियमित शैक्षणिक/संशोधन पदावर कार्यरत व Ph.D. धारक असावा. उमेदवार स्वतःच्या Ph.D. मार्गदर्शकाशी किंवा त्याच विभाग/संस्थेत ही फेलोशिप घेऊ शकत नाही.
फेलोशिप रक्कम: पात्र उमेदवारांना फेलोशिप रक्कम: पात्र उमेदवारांना ₹80,000 प्रति महिना + HRA, तर थीसिस सादर केलेल्या पण पदवी न मिळालेल्या उमेदवारांना ₹50,000 प्रति महिना + HRA दिले जाते. याशिवाय संशोधन अनुदान म्हणून ₹2,00,000 प्रति वर्ष आणि प्रवास/आकस्मिक खर्चासाठी ₹1,00,000 प्रति वर्ष दिले जाते. इच्छुक उमेदवारांनी अर्ज करण्यासाठी ANRF च्या अधिकृत ऑनलाइन पोर्टलवर नोंदणी करून संपूर्ण माहिती, संशोधन प्रस्ताव व आवश्यक कागदपत्रे ऑनलाइन सादर करणे आवश्यक आहे.
Post expires at ACTIONTIME on ACTIONDATE
